بدخشان پوهنې ریاست کې د ښوونکو د خالي بستونو په تړاو غونډه تر سره شوه
پوهنې وزارت، بدخشان: بدخشان ولایت کې د ښوونکو د خالي بستونود پیژندلو او اعلانولو په موخه د یاد ولایت پوهنې رئيس ډاکټر روح الله محقق په مشرۍ د اداري اصلاحاتو سر پرست رئيس شریف مبارز، د عامه تعلیماتو آمر ، مالي او اداري آمر او د ولسوالیو د پوهنې آمرانو په ګډون فوق العاده ناسته ترسره شوه.
پوهنې رئيس ډاکټر روح الله محقق د پوهنې آمرینو ته د ښه راغلاست ویلو ترڅنګ زياته کړه: موږ هڅه کوو چې د پوهنې ستونزې او ننګونې حل کړو، ښوونکو لپاره د خالي بستونو د پیژندلو او اعلانولو په تړاو او همداراز پوهنيز نظام کې د ښځو او معلولينو د ونډې برخه کې به لازم اقدامات تر سره کړو.
دغه راز د اداري اصلاحاتو رئيس شریف مبارز د پوهنې رياست له همکاريو مننه وکړه او ښوونکو لپاره یې د خالي بستونو په اعلان ټینګار وکړ، زياته يې کړه، د خالي بستونو د پیژندلو په موخه باید ټول کارکوونکي او ښوونکي په ترتیب سره بایومیټریک شي .
