پکتیا ولايت کې یوه ښوونځي سره څوکۍ او ميزونه مرسته شول
پوهنې وزارت، پکتیا: د اریوب خیریه بنسټ له لوري د پکتیا ولایت ځاځي اریوب ولسوالۍ اړوند د عبدالقدیر ځاځي نجونو لېسې سره، د زرګونه افغانیو په ارزښت (۱۸۰) پایې میزونه او څوکۍ مرسته شوې.
د پکتیا ولایت پوهنې رئیس استاد کوچي ځاځي د یاد خیریه بنسټ د مرستې او هر اړخېزې همکارۍ په اړه وویل: موږ له هر هغه چا څخه مننه کوو، چې د پوهنې د پرمختګ لپاره له پوهنې وزارت او ولایتي ریاستونو سره مرسته او ګډ کار کوي کوي.
نوموړي د پکتیا ولایت پر ملي سوداګرو، خیریه بنسټونو او قومونو غږ وکړ، چې دوی هم باید د اریوب خیریه بنسټ په څېر د پوهنې په برخه کې مرسته وکړي او د خپلو ماشومانو د روښانه راتلونکي لپاره موږ سره، ګډ کار و کړي.
