د غزني ولایت د پوهنې ریاست نوی رئیس په رسمي ډول معرفي شو
د غزني ولایت د پوهنې ریاست نوی رئیس مولوي میر نصیراحمد حسیني نن ورځ پنجشنبه د روژې د مبارکې میاشتې ۲۲ نېټه، د یو لړ مراسمو په ترڅ کې د یاد ولایت د مرستیال والي قاري ګل حیدر شفق له لوري په رسمي ډول معرفي شو.
په یادو مراسمو کې د پوهنې ریاست آمرینو، مدیرانو، کارمندانو، د دیني مدارسو او ښوونځیو آمرینو او استادانو، علماء کرامو او متنفذینو برخه درلوده.
ویناوالو نوي ټاکل شوي رئیس ته د الله تعالی له دربار څخه په ور سپارل شوي مسئولیت کې د توفیق غوښتنه وکړه.
د یادونې وړ ده، چې مولوي میر نصیراحمد حسیني یو جید دیني عالم او مدرس دی، چې تر دې وړاندې یې د غزني ولایت د پوهنې ریاست د تدریسي آمر په توګه دنده درلوده او د پوهنې د مخکني رئیس مرحوم مولوي محمد منیر منصور تر وفات وروسته په لومړي قدم کې د پوهنې وزارت له لوري د یاد ریاست د سرپرست او وروسته د پوهنې وزارت د وړاندیز او د ریاست الوزراء د محترم مقام د منظوري په اساس د یاد ریاست د رئیس په توګه وټاکل شو.
