د بلخ والي د دې ولایت له پوهنې ریاست څخه لیدنه وکړه
د بلخ ولایت سرپرست والي الحاج مولوي محمد یوسف وفا د یاد ولایت د پوهنې له ریاست څخه د لیدنې په ترڅ کې د پوهنې له رئیس او مسئولینو سره د پوهنې د فعالیتونو په اړه خبرې او د چارو د لا ښه والي په موخه لازمې لارښوونې وکړې.
نوموړی د کتنې په ترڅ کې له مراجعینو سره هم خبرې وکړې او د مسئولینو د چلند په اړه یې ترې وپوښتل، چې ټولو د کارکوونکو چلند اسلامي، انساني او قانع کوونکی وباله.
ورپسې یې د ریاست له جومات او ګودامونو څخه د لیدنې تر څنګ د جومات د بيارغونې، د پوهنې رياست له مشرتابه څخه مننه وکړه.
بل لورې ته د پوهنې رئیس مولوي عبدالجليل شهیدخېل د والي د راتګ هرکلى وکړ او يو لړ وړانديزونه او اړتياوې یې ورته وړاندې کړې.
همدا رنګه د پوهنې رئيس د اداري چارو د روڼتيا، سرعت او پر وخت د چارو عملي کولو ډاډ ورکړ.
