د پوهنې وزارت د کیفیت تضمین معین بغلان ولایت ته ولاړ
د پوهنې وزارت د کیفیت تضمین معین الحاج مولوي عبدالخالق صادق د خپلو سفرونو په دوام نن بغلان ولایت ته ورسېد او د یاد ولایت د پوهنې ریاست له بېلابېلو څانګو او آمریتونو څخه یې د لیدنو ترڅنګ، د پوهنې مسئولینو سره یو ځای د خوست فرنګ ولسوالۍ ته ولاړ.
همدارنګه نوموړي د خپل سفر اساسي موخه، په بغلان ولایت کې د مدارسو او خصوصي دارالحفاظونو د تدريسي کړنو ارزونه، د ښوونیزو نصاب له پلي کولو څخه څارنه او د ښوونیز کيفيت لوړول وبلل.
دغه راز د پوهنې وزارت پلاوي د نورو اړینو ښوونیزو موضوعاتو په اړه د بحث پرمهال، د مدارسو د مسئولینو له کړنو څخه خوښي څرګنده او هغوی ته یې د ښوونیز وضعیت لاښه والي په موخه لازمې لارښوونې وکړې.
ورپسې د يادې ولسوالۍ د ديني مدارسو مسئولينو د هېواد د ماشومانو د ښوونې او روزنې په برخه کې د پوهنې وزارت د مشرتابه له هڅو څخه مننه وکړه.
