د پکتیکا ولایت پوهنې رئیس د هېواد په سویل ختیز زون کې د یوې همکارې ادارې له مسئول سره خبرې اترې وکړې
د پکتیکا ولایت پوهنې رئیس مولوي عبدالوکیل خالد، د هېواد په سویل ختیر زون کې د یو همکاره بنسټ له مسئول سره وکتل او د مدارسو او ښوونځیو د ودانیو بیارغونې په برخه کې یې د یادې ادارې د مرستو په اړه نظرونه تبادله کړل. د پوهنې رئيس پلاوي ته د ښه راغلاست ويلو پرمهال، په دغه ولايت کې د ښوونیز وضعيت او د پوهنيزو بنسټونو د ودانیو د کمښت او ترميم د ستونزو يادونه وکړه او په یاده برخه کې يې د همکارۍ غوښتنه وکړه. له بلې خوا د همکار بنسټ مسئول ژمنه وکړه، چې د پکتیکا په "ډنګره لېګډ" او "ګیان" ولسوالیو کې به دوه بابه ښوونځي جوړ کړي.
