د پوهنې وزارت د احصائیې او معلوماتو رئیس زابل ولایت ته ولاړ
د پوهنې وزارت د احصائیې او معلوماتو رئیس الحاج مولوي بسم الله«نعماني» د یو تخنیکي ټېم په ملتیا، د زابل ولایت په مرکز او ولسوالیو کې د پوهنې آمریتونو د غړو لپاره، د زده کوونکو او ښوونکو د دقیقو ارقامو او احصائیوي معلوماتو راټولولو په موخه، د وړتیا لوړونې روزنیز سیمینار پرانیست.
د پوهنې وزارت د احصائیې رئیس په خپلو خبرو کې د کارکوونکو د کاري او مسلکي وړتیاوو لوړول د چارو د لاښه پرمختګ یو مهم بنسټ وباله او له ګډون والو یې وغوښتل تر څو د یاد سیمینار له منځپانګې څخه اعظمي ګټه پورته کړي.
د یادونې وړ ده، په دغه سیمینار کې د رسمي او خصوصي ښوونځيو څخه ۱۳۱ تنه آمرین ګډون لري، چې د احصائیې او معلوماتو ریاست د مؤظفو ټېمونو له لوري یې څارنه کېږي.
