د پوهنې او مالیې وزارتونو د غیر مالیاتي عوایدو ګډې کمېټې د همغږۍ غونډه وکړه
د پوهنې وزارت د ودانیو د ساتنې، املاکو او مراقبت او د مالیې وزارت د غیرمالیاتي عواید ریاستونو اړوند د عوایدو د ګډې کمېټې همغږۍ غونډه، د پوهنې وزارت د سرچینو او ادارې معین الحاج مولوي صبغت الله «وصیل»، د مالیې وزارت د غیر مالیاتي عوایدو رئیس امان الله «امین»، د پوهنې وزارت د ودانیو د ساتنې، املاکو او مراقبت رئیس مولوي سمیع الحق «حماس» او د دواړو ادارو یو د شمېر تخنیکي همکارانو په حضور کې جوړه شوه.
د یادې غونډې اساسي موخه، د پوهنې وزارت د عوایدو د ارزونې او خدماتو وړاندې کولو لپاره د پوهنې او مالیې وزارتونو د ګډ پلاوي په تشکیل سره د ا/مارتي املاکو د کړنلارې چمتو کولو، د کانټینونو کرایې لپاره د لارښود پر برابرولو او د پوهنې وزارت د ودانیو د ساتنې، املاکو او مراقبت ریاست لخوا پر وړاندیز شویو موضوعاتو هراړخیز بحثونه ترسره شول.
په پلان کې ده، چې د دغې کمېټې په راتلونکو غونډو کې به د اداري پروسو له مخې، د پورته ذکر شویو مسایلو پر بنسټ کړنلاره چمتو او پلي شي.
