غزني ولایت کې د ۳.۵ مېلیونه افغانیو په لګښت د یو باب دیني مدرسې بیارغونې چارې پيل شوې
د غزني ولایت خواجه عمري ولسوالۍ اړوند برکات کلي کې د محمدیه دیني مدرسې بیارغونې او ترمیم چارې، د الخیر خیریه بنسټ په مالي مرسته د ۳.۵ مېلیون افغانیو په لګښت پیل شوې.
د غزني ولایت پوهنې رئیس الحاج مولوي میر نصیر احمد حسیني، د هېواد بچیانو د سالمې زده کړې او د ټولنې بشپړې اصلاح برخه کې د دیني مدارسو د اهمیت په اړه د خبرو کولو پرمهال څرګنده کړه، چې په یاده پروژه کې احاطوي دېوال، ډوډۍ خوړلو او د غونډو تالارونو بیارغونه شامله ده، چې ټاکل شوې ده د ۴ میاشتو په اوږدو کې د یادې مدرسې د طالب العلمانو لپاه ګټې اخیستنې ته چمتو شي.
