په هرات ولایت کې د یوې دیني مدرسې ودانۍ پرانیستل شوه
د هرات ولایت سفلی ولسوالۍ په بقند کلي کې د حضرت عثمان ذوالنورین «رضی الله عنه» دیني مدرسې ودانۍ، چې د ۴۵۰ زره افغانیو په لګښت د یادې ولسوالۍ د متدین او علم دوست شخصیت حاجي صاحب دوست محمد خان په مالي مرسته جوړه شوې وه، د پوهنې چارواکو په ګډون د یو لړ مراسمو په ترڅ کې افتتاح او ګټې اخیستنې ته وسپارل شوه.
دغه ودانۍ چې په معیاري ډول سره جوړه شوې، ۴ درسي خونې، یو محراب جومات او نور اړین ملحقات لري.
د پوهنې مسئولینو په وینا، د یادې ودانۍ په جوړولو سره طلابو لپاره مناسب تعلیمي چاپېریال برابر شو.
د پوهنې وزارت مشرتابه د هرات ولایت د دغه علمي شخصیت له مرستې ستاینه کوي.
د پوهنې وزارت له ښوونیز نظام سره د هېوادوالو له همکاریو قدرداني کوي او دا ډول اقدامات په ټولنه کې د اسلامي زدهکړو لاښه والي لپاره یو مهم ګام ګڼي.
