غزني ولایت کې څه د پاسه ۵۰۰ زره افغانیو په لګښت د یو لومړني ښوونځي د ودانۍ بنسټ ډبره کېښودل شوه
د غزني ولایت په ګیلان ولسوالۍ کې د مستان قلعه لومړني ښوونځي د نوې ودانۍ بنسټ ډبره، د پوهنې چارواکو، د ښوونځیو شورا غړو او د سیمې د خلکو استازو په حضور کې کېښودل شوه.
یاد ښوونځی چې د خلکو په مالي مرسته د ۵۰۰ زره افغانیو څخه په زیات لګښت په پنځه جرېبه ځمکه کې جوړېږي، درې درسي خونې، یو دېوال او د څښاک پاکو اوبو لپاره یو حلقه څاه به ولري، چې په پایله کې به یې د درسي خونو د نشتوالي ستونزه حل شي.
