په میدان وردګ ولایت د ۱۴۰۴ لمریز کال کانکور آزموینې ممتاز زدهکوونکي وستایل شول
د میدان وردګ ولایت پوهنې ریاست د یوې لویې غونډې په ترڅ کې، چې پکې د پوهنې وزارت د مقام د دفتر لوی رئیس محترم الحاج مولوي شهاب الدین ثاقب، د یاد ولایت والي الحاج قاري بختیار معاذ، پوهنې شورا رئیس مولوي محمد عثمان حریت، د علماوو شورا غړو او یو شمېر نورو مسئولینو ګډون درلود، د همدغه ولایت د کانکور آزموینې ۲۰ تنه ممتاز زدهکوونکي وستایل.
چارواکو په خپلو ویناوو کې مخکښه زدهکوونکو ته مبارکي وویله او له هغوی یې وغوښتل چې د دیني او عصري علومو په زدهکړه کې زیار وباسي او خپلې موخې هېواد او ټولنې ته په خدمت کولو متمرکزې کړي.
په پای کې د سږ کال کانکور آزموینې غوره زدهکوونکي د چارواکو لخوا په ډالیو او ستاینلیکونو وویاړل شول.
