د کاپیسا ولایت د کار او ټولنیزو چارو ریاست کارکوونکو لپاره د سواد زدهکړې ټولګی جوړ شو
په ټولنه کې د سواد کچې لوړولو او د بې سوادۍ له منځه وړلو په موخه، د کاپیسا ولایت پوهنې ریاست د یاد ولایت د کار او ټولنیزو چارو ریاست د ۱۲ تنو کارکوونکو لپاره د سواد زدهکړې ټولګی جوړ کړ.
یاد پروګرام په رسمي ډول د پوهنې ریاست او د کار او ټولنیزو چارو ریاست د چارواکو په ګډون د یوې رسمي غونډې په ترڅ کې پیل شو.
په دې مراسمو کې، د پروګرام د اهدافو د تشرېح کولو پرمهال، ژمنه وشوه چې د سواد زدهکړې پروسه به په مناسب کیفیت سره دوام ومومي او د یاد ولایت پوهنې ریاست به په چټکۍ سره زدهکوونکو ته درسي مواد او قرطاسیه چمتو کړي.
د کاپیسا ولایت پوهنې ریاست رهبري د کار او ټولنیزو چارو ریاست د همکارۍ ستاینه وکړه او د ادارو ترمنځ یې د لا زیاتو همکاریو غوښتنه وکړه.
