د میدان وردګ ولایت یو باب ښوونځي لپاره لمریزې برېښنا سیسټم فعال شو
د میدان وردګ ولایت پوهنې ریاست د محلي خلکو په ملاتړ د جلریز ولسوالۍ اړوند شهید یعقوبي عالي لېسې زدهکوونکو او کارکوونکو ته د ۸۲۰۰۰ افغانیو په لګښت د لمریزې برېښنا سیسټم کارولو زمینه برابره کړې ده.
د یاد ولایت پوهنې رئیس مولوي محمد عثمان حریت په وینا، دغه سیسټم د ۴ کیلو واټه برېښنا د تولید ظرفیت لري او په دې برخه کې یې د خلکو او پوهنې شوراګانو له همکارۍ ستاینه وکړه.
د یادونې وړ ده چې تر دې وړاندې د ولایت په بېلابېلو ولسوالیو کې د پوهنې شوراګانو، سیمه ییزو خلکو او پوهنې مینه والو ښوونځیو ته ورته مرستې کړې دي.
