د بادغیس ولایت د ښوونځیو ښوونکو لپاره "د زدهکونکو په روزنه کې د ښوونکو رول" تر سرلیک لاندې سیمینار ترسره شو
د بادغیس ولایت پوهنې ریاست لخوا ۷۰ تنو ښوونکو لپاره د ولایت د پوهنې ریاست د کنفرانسونو په تالار کې د زدهکونکو په روزنه کې د ښوونکو رول تر سرلیک لاندې یو ورځنی سیمینار ترسره شو.
د یاد ولایت پوهنې رئیس الحاج مولوي محب الله احسان مېلمنو ته د ښه راغلاست پرمهال ګډونوالو ته د سیمینار موخې تشرېح او زیاته یې کړه؛ د پوهنې وزارت هڅه کوي چې د ښوونځیو ښوونکو ته د وروستیو علمي لاسته راوړنو او نويو تدریسي مېتودونو په اړه د معلوماتو ورکولو سره په هېواد کې د پوهنې کیفیت لاپسې ښه کړي.
