د ۱۴۰۴ کال له پیل راهیسې تر اوسه پورې، د غزني ولایت له پوهنې سره د خلکو له خوا له ۳۹ مېلیونه افغانیو څخه زیاته مرسته شوې
د غزني ولایت پوهنې ریاست مسئولین وايي: د سیمهییزو خلکو او مرستندویانو په همکارۍ د ښوونځیو شوراګانو سره په همغږۍ، د روان کال له پیل راهیسې په یاد ولایت کې د مدارسو او ښوونځيو د ترمیم لپاره په ټولیزه توګه ۳۹ مېلیونه ۲۴۳ زره ۵۶۰ افغانۍ مرسته شوې ده، چې د لاندې موخو لپاره په مصرف رسېدلې ده:
* د ښوونځیو د ودانیو ترمیم او بیارغونه؛
* د هغو ښوونځیو لپاره د ځمکې پیرودلو لپاره چې پراختیا ته اړتیا لري.
* د اړینو تعلیمي او اداري تجهیزاتو پېرودلو لپاره؛
د پوهنې چارواکو په وینا، دغه مرستې د تعلیمي خدمتونو کیفیت ښه کولو، د ښوونیز چاپېریال رامنځته کولو او د معیاري ښوونیزو او روزنیزو چوپړونو په وړاندې کولو کې مثبت او اغېزمن رول لوبوي.
د پوهنې وزارت مشرتابه د هېواد د پوهنیز نظام لپاره د خلکو له ملاتړ څخه مننه او ستاینه کوي
