په بدخشان ولایت کې د یوې دیني مدرسې لپاره د ۶ درسي خونو جوړول بشپړ شول
د بدخشان ولایت په کشم ولسوالۍ کې د غیاثیه دیني مدرسې لپاره د ۶ درسي خونو جوړولو چارې، چې څه موده وړاندې د ځايي اوسېدونکو په مرسته د ۳۰۰ زره افغانیو په لګښت پیل شوې وې، اوسمهال په بریالیتوب سره بشپړې او د پوهنې چارواکو په حضور کې پرانیستل شوې.
د کشم ولسوالۍ پوهنې آمر د مدرسې له مسئولینو او سیمهییزو خلکو څخه د مننې په څرګندولو سره، دا نوښت د ولس او پوهنې ادارې ترمنځ د همکارۍ یوه روښانه بېلګه وبلله.
د یادونې وړ ده، پورته ذکر شوې مدرسه ۴۰۰ تنه طالبان لري او د نویو درسي ټولګیو په جوړېدو سره یې د درسي خونو د نشتوالي ستونزه یو څه حل شوه.
