د ولایتونو له پوهنې ډګره څو لنډ خبرونه
پکتیا
د پکتیا ولایت د سید کرم ولسوالۍ علمپروره خلکو لخوا د یادې ولسوالۍ له پوهنې آمریت سره ۲۸ زره افغانۍ مرسته شوې، چې د همدغه آمریت اړوند ودانۍ بیارغونې او د اړتیا وړ توکو پېرودلو لپاره کارول شوې ده.
زابل
د زابل ولایت پوهنې چارواکو په حضور کې د مرکز قلات ښار ۱۲۵ تنو ښوونکو لپاره د شیخ متي بابا په عالي لېسه کې ۳ ورځنی روزنیز سیمینار ترسره شو.
سرپل
د سرپل ولایت په سانچارک ولسوالۍ کې د ساینس او ریاضي مضمونونو ۸۰ تنو ښوونکو لپاره د مسلکي وړتیاوو لوړولو لپاره ۶ ورځنی سیمینار پیل شو.
د یاد ولایت پوهنې چارواکو په وینا، دغه سیمینار د عملي مهارتونو ښه کولو، د تدریسي مېتودونو پیاوړتیا او د زدهکړې پروسې معیاري کولو په موخه ترسره شو.
