د پوهنې وزارت د کیفیت تضمین محترم معین، د دیني مدارسو د طلابو ګډو ازموینو له څار کمېټې سره وکتل
د پوهنې وزارت د کیفیت تضمین معین محترم الحاج مولوي عبدالخالق صادق، د دیني مدارسو د طلابالعلم د ثانويه او مافوقثانویه مرحلو د ګډو ازموینو د ځوابپاڼو د څار کمېټې له علماوو او غړو سره، چې د هېواد دننه او دارالهجرت پورې اړوند دي، لیدنه او ملاقات وکړ.
د پوهنې وزارت محترم معین په دې لیدنه کې د ټولنې په اصلاح کې د علماءکرامو د رول په اړه خبرې وکړې او ویې ویل چې ازموینې د طلابو علمي کچې لوړوالي نښه او د تدریسي کیفیت څرګندویه دي؛ له همدې امله هر کال د تېر وخت د تجربو پر بنسټ، د تعلیمي بهیر لا ښهوالي لپاره نوې سمونې او مثبت بدلونونه رامنځته کېږي.
