د ولایتونو له پوهنې څو لنډ خبرونه
لوګر
د لوګر ولایت محمدآغې ولسوالۍ اړوند د خواجه ویس بابا ښوونځي لپاره، د علمپالو اشخاصو له لوري د څه باندې ۳۰ زره افغانیو په لګښت د څښاک پاکو اوبو یو حلقه څاه وکیندل شو.
ارزګان
د ارزګان ولایت د پوهنې ریاست انګړ د ښکلا او زرغونتیا په موخه، په یاد ځای کې ۶۸ زینتي او غیر مثمر نیالګي کېنول شول.
بامیان
د بامیان ولایت پوهنې مسئولینو له لوري، د یاد ولایت د مرکزي زندان ۱۸ تنه پرسونل او ۱۶ تنه بندیانو ته د سواد زدهکړې کورسونو د فراغت تصدیقلیکونه ووېشل شول.
غور
د غور ولایت د اللهیار، دولینه، مرغاب، لعل او سرجنگل ولسوالیو د ښوونځیو ښوونکو او سرښوونکو لپاره، د «اغېزمنې ښوونې او زدهکړې ترویج» تر سرلیک لاندې درېورځنی روزنیز ورکشاپ ترسره شو.
