د لوګر ولایت له پوهنې سره ۲۵ ميلیونه افغانۍ مرسته شوې
د لوګر ولایت علمدوستو او د پوهنې ملاتړو اوسېدونکو د روان لمریز کال له پیل څخه تر اوسه پورې د دې ولایت له معارف سره د ۲۵ میلیونو افغانیو څخه زیاته مرسته کړې ده.
يادې مرستې د پوهنې ریاست او د مرکز او ولسوالیو پوهنې آمریتونو په همغږۍ د علمدوستو خلکو له لوري ترسره شوې دي، چې پکې د دیني مدارسو او ښوونځیو د جوړولو لپاره د ځمکې ډالۍ کول، د تعلیمي مرکزونو جوړول، د تعلیمي بنسټونو د ودانیو ترمیم، د اوبو رسولو او برېښنا سیسټمونو نصبول او د درسي او تخنیکي وسایلو برابرول شامل دي.
د پوهنې وزارت مشرتابه د هېواد د علمپالو خلکو ملاتړ ته په درنه سترګه ګوري او د لوګر ولایت د معارفدوستو اوسېدونکو څخه د دوی د مرستو له امله مننه کوي.
