د ولایتونو له پوهنې ډګره څو لنډ خبرونه
پنجشېر
د یوه علمپرور شخص لخوا د ۲۵ زره افغانیو په ارزښت د پنجشېر ولایت مرکز اړوند له بي بي آمنې لېسې سره د ۱۹۸ ټوکه درسي کتابونو، یو پایه کمپیوټر او یو پایه پرنټر مرسته وشوه.
لوګر
د لوګر ولایت د محمدآغې ولسوالۍ برګ لېسې لپاره د ۱۰۰ مترو په ژوروالي د څښاک پاکو اوبو یوڅاه کیندلو چارې د ۵۰ زره افغانیو په لګښت پیل شوې.
د دغې پروژې په بشپړېدو سره به له ۱۱۰۰ څخه زیاتو زدهکوونکو ته د څښاک پاکې اوبه برابرې شي.
ننګرهار
په ننګرهار ولایت کې ۲ بابه ښوونځیو سره له ۴۰ زره افغانیو څخه زیاته نغدي مرسته شوې، چې د ښوونځیو د ترمیم او د درسي ټولګیو د بیارغونې په چارو کې به ولګول شي.
