د پوهنې وزارت سرپرست کندهار ولایت ته په رسمي سفر ولاړ

media-moe
شنبه ۱۴۰۲/۱۰/۲ - ۱۳:۵۴
14

د پوهنې وزارت د سرپرست الحاج مولوي حبیب الله آغا په مشرۍ لوړ پوړی پلاوی، په داسې حال کې چې د یاد وزارت د اسلامي زده کړو معین الحاج مولوي کرامت الله آخندزاده یې هم ملتیا کوله، کندهار ولایت ته ولاړ.

په پیل کې د پوهنې وزارت سرپرست او ورسره مل پلاوي د یاد ولایت پوهنې ریاست څخه لیدنه وکړه او د دغه ریاست له رئیس الحاج مولوي فخرالدین نقشبندي سره یې وکتل.

په یاده کتنه کې دواړو لورو د کندهار ولایت پوهنې ریاست د کړنو پرمختګ،ستونزو او ښوونیز وضعیت لاښه والي په اړه هراړخیزې خبرې وکړې.

دغه راز د پوهنې وزارت سرپرست، د کندهار پوهنې مشرتابه یو لړ وړاندیزونه، نظریات او شته ستونزې واورېدې او له آورېدلو وروسته یې ژمنه یې وکړه چې د یادو ستونزو او ننګونو د حل په موخه به د مرکز مسئولینو ته اړینې سپارښتنې وکړي.

همدارنګه د پوهنې وزارت سرپرست څرګنده کړه، چې د هېواد په ټولو ولایتونو کې د تعلیمي او تحصیلي وضعیت لاښه والي، د متوازنو ښوونیزو خدمتونو د وړاندې کولو، د ستونزو حل او د پوهنې پرمختګ په موخه یې یو شمېر پلانونه ترتیب او پلي کړي دي.

په پای کې د یاد ولایت پوهنې رئیس کندهار ته د پوهنې وزارت د سرپرست له سفر څخه د هرکلي ترڅنګ، د اړونده ریاست نوی پلان هم د وزارت له مشرتابه سره شریک کړ چې د مشرتابه له لوري ومنل شو.

تازه خبرونه

دوشنبه ۱۴۰۴/۱۲/۲۷ - ۱۱:۱۱
Background image

د پوهنې وزارت سرپرست لخوا، لغمان ولایت کې د ۱۱،۵ مېلیونه افغانیو په لګښت ۴ بابه ښوونیزې پروژې پرانیستل شوې

د پوهنې وزارات سرپرست الحاج مولوي حبیب الله آغا لغمان ولایت ته د خپل رسمي سفر په ترڅ کې، ۴ بابه ښوونیزې پروژې، چې د خلکو په همکارۍ د ۱۱،۵ مېلیونه افغانیو په لګښت سره جوړې شوې وې،. . .

دوشنبه ۱۴۰۴/۱۲/۲۷ - ۱۱:۷
Background image

د کندهار ولایت له ښوونځیو سره د مېزونو، څوکیو او قرطاسیې مرسته وشوه

د پوهنې یوې ملاتړې ادارې د کندهار ولایت په مرکز او ولسوالیو کې ۱۳ بابه ښوونځیو ته ۵۶۰ پایې مېزونه، څوکۍ او ۲۹ قلمه ښوونیز توکي چمتو کړل.

د پوهنې مسئولینو په وینا، ټاکل شوې ده چې یاد. . .

شنبه ۱۴۰۴/۱۲/۲۵ - ۱۲:۴۷
Background image

په میدان وردګ ولایت کې ښوونیزو مرکزونو سره څه د پاسه د ۸۸۰ زره افغانیو مرسته شوې

د میدان وردګ ولایت د دایمیرداد (جلګې) ولسوالۍ اوسېدونکو په یادې ولسوالۍ کې ۹ بابه دیني مدارسو سره ټولټال ۸۸۶ زره ۶۰۰ افغانۍ مرسته کړې ده.

د یاد ولایت پوهنې رئیس مولوي محمد عثمان «حریت». . .

BACK TO NEWS