سرپل ولایت کې د ښوونکو د وړتیا لوړونې لس ورځنی سیمینار پای ته ورسید
پوهنې وزارت، سرپل: د ښوونکو د وړتیا لوړونې لس ورځنی سیمینار چې د سرپل ولایت مرکز پورې اړونده ښوونځیو کې د ساینسي مضمونونو د ښوونکو لپاره جوړ شوی وو پای ته ورسید
یاد سیمینار څه موده مخکې د پوهنې ریاست له لوري د (NRC) ادارې په مالي مرسته جوړ شوی وو، چې مرکز پورې اړونده ښوونځیو څخه ۱۰۰ تنو ښوونکو د ریاضي، فیزیک، بیولوژي، کیمیا او چاپیریالیز ساینس په څانګو کې ګډون کړی و.
د سیمینار د پای په غونډه کې د پوهنې ریاست تدریسي مرستیال سید عبدالقادر ایوبي د یاد سیمینار د جوړولو په برخه کې د (NRC) ادارې له مالي مرستې څخه مننه وکړه
او د زده کوونکو د زده کړې په برخه کې د سایسني تجربو پر اهمیت ټینګار وکړ، همداراز د ورکشاپ له ګډونوالو یې وغوښتل څو،خپلې تجربې له زده کوونکو سره شریکې کړي، نوموړي هیله څرګنده کړه چې له یاد سیمینار څخه لاسته راغلې تجربې به له موږ سره په ۱۴۹۹ ښوونیز کال کې ډیره مرسته وکړي او په ښوونیز سیستم کې به د مثبت بدلون لامل وګرځي.
هیره دې نه وي چې د NRC) ( ښاغلې ادارې څه موده وړاندې د سرپل ولایت د پوهنې ریاست اړوند( ۱۵۰) ښوونکو ته زده کړییز سیمینار جوړ کړی و.
د غونډې په پای کې د سیمینار ګډونوالو ته، له یاد سیمینار څخه د فراغت تصدیق پانې وویشل شوې.
