د پوهنې وزارت د مقام د دفتر لوی رئیس، د سرپل ولایت د ط.الب العلمانو آزموینې وڅارلې
د پوهنې وزارت د مقام د دفتر لوی رئیس الحاج مولوي شهاب الدین «ثاقب» چې د پوهنیزو چارو ارزونې په موخه سرپل ولایت ته تللی، د یاد ولایت له پوهنې رئیس، مسئولینو، د سیمه ییزو ادارو چارواکو او دیني علماءکرام سره د لیدنې ترڅنګ، د دیني مدارسو د ثانويه او مافوق ثانويه مرحلو آزموینې بهیر څخه لیدنه وکړه.
نوموړي د دې لیدنو پر مهال حاضرینو ته عالمانه ویناوې وکړې او په هغه ناسته کې یې چې د پوهنې له رئیس او مسئولینو سره یې درلوده، د ښوونیز او روزنیز وضعیت په اړه تفصیلي خبرې وکړې، د هغوی نظریات او وړاندیزونه یې واورېدل او د ستونزو په حل کې یې د همکارۍ ژمنه وکړه.
