له مرکز او ولایتونو څخه د پوهنې خبرونه.

media-moe
سه‌شنبه ۱۴۰۱/۹/۸ - ۱۲:۳۷
ghj

بلخ:
د سلطان زاده او احمدجان شرکتونو د بلخ ولایت د پوهنې د رئیس مولوي عبدالجلیل شهیدخیل په شتون کې دوه سوه پنځوس متره غالۍ، دولس پایې برقي بخارۍ، درې سولري تختې او نور د اړتیا وړ توکي یې د بلخ د مرکزي یتیم خانې مسوولینو ته وسپارل.
د بلخ د پوهنې رئيس د يادو شرکتونو له مسوولينو څخه د مننې ترڅنګ له نورو هم وغوښتل، چې له پوهنې ریاست سره مرسته وکړي.
لغمان:
د پوهنې وزارت د عامې روغتیا مسوولینو د لغمان ولایت د پوهنې مدیریت له روغتیايي کارکوونکو سره په همغږۍ د دې ولایت د قرغیو ولسوالۍ له یو شمېر ښوونځیو څخه لیدنه وکړه.
په دې غونډه کې د ياد ولايت د پوهنې رياست د روغتيايي ټیم مسوولينو د يادو ښوونځيو د روغتيايي څانګو ارزونه یې وکړه او زده کوونکو ته يې د تقویوي او د مخنيوي ټابليټونو په ارزښت خبرې وکړې.
کابل:
د کابل ولایت د پوهنې ریاست د ښوونیز څارنې غړو د یونیسف موسسې له مسوولینو سره د دې ولایت د سروبي ولسوالۍ د سیمه ییزو ښوونیزو ټولګیو له څو برخو څخه لیدنه وکړه او د دې ټولګیو مسوولینو ته یې په درسي او اداري چارو کې لازمې لارښوونې وکړې.
کندهار:
د کندهار ولايت د ډنډ ولسوالۍ د ښوونیز څارنې آمر مولوي محمود خان د دې ولسوالۍ د ميا نور محمد د لومړني ښوونځي د اداري او تدريسي چارو د کتني پر مهال د يادې لېسې نظم او ډسپلين یې د ستاینې وړ وباله او د مسوولینو له هڅو څخه یې مننه وکړه.
نیمروز
د نيمروز ولايت د پوهنې رئيس مولوي ګل احمد حقاني د دغه ولايت د مرکز زرنج له منځني ښوونځي څخه ليدنه وکړه او د يادې لېسې له اداري، تدريسي او همدارنګه له زده کوونکو سره يې خبرې وکړې.
په دې ناسته کې یې د دوی ستونزې او وړاندیزونه  واوریدل شول او د حل په برخه کې یې د مرستو ژمنه وشوه.

تازه خبرونه

یکشنبه ۱۴۰۲/۱۲/۶ - ۱۴:۲
Background image

د هېواد په يو شمېر ولايتونو کې د ديني مدارسو د زده کوونکو فراغت غونډې تر سره شوې

په ارزګان ولایت کې د سعادة العمریة او الفرقانیة له دارالعلومونو، کندهار ولایت کې د خالد بن ولید (رضي الله عنه) له مدرسې او په خوست ولایت کې له جامعة مدینة مدرسې څخه لسګونه حافظان او ط. . .

یکشنبه ۱۴۰۲/۱۲/۶ - ۱۳:۳۴
Background image

د ځينو ولایتونو له پوهنې ډګره د خبرونو لنډيز

نیمروز، ارزګان او لوګر:

د پوهنې وزارت د ساینس مرکز ریاست پلاوی نیمروز، ارزګان او لوګر ولایتونو ته په رسمي سفر تللی او د یادو ولایتونو د پوهنې له رئیسانو او مشرانو سره یې د لیدنې پر. . .

یکشنبه ۱۴۰۲/۱۲/۶ - ۱۳:۲۹
Background image

په جوزجان ولايت کې یو باب ښوونځی پرانیستل شو

د جوزجان ولایت خواجه دوکوه ولسوالۍ اړوند په چوغان کلي کې، یو باب لومړنی ښوونځی د یو لړ مراسمو په ترڅ کې د پوهنې رئیس، علماوو، قومي مخورو او د سیمې د خلکو په ګډون پرانیستل شو.

د یاد. . .

BACK TO NEWS